შეხვედრა ნინო გორდელაძესთან....

ეს დღე IV2 კლასის მოსწავლეებს არასოდეს დაავიწყდებათ, რადგან საინტერესო სტუმრის მასპინძლობა ხვდათ წილად. სტუმარი უდაოდ სასურველი და სანატრელი აღმოჩნდა , მან ხომ პატარებს მეოთხე კლასის ქართული ენის ძალიან საინტერესო სახელმძღვანელო შეუდგინა.სტუმარ–მასპინძლებს შორის თბილი და საქმიანი საუბარი შედგა. ნინო გორდელაძემ ბევრი გასაოცარი ამბავი უამბო პატარებს. პატარებმა კი ბავშვური გულწრფელობითა და უფროსებისთვის შესაშური ჭკუითა და გამჭრიახობით გააკვირვეს სტუმარი.

ქეთი ყურაშვილის მოსწავლის , ნიკუშა კილაძის თვალით დანახული "პატარძეული"

ია, ანბანის კარის გასარები

ამ დღეს პატარებმა შეაღწიეს ანბანის ზღაპარეთში და იაკობ

გოგებაშვილის ნინველა იის წყალობით

შეაღეს დედაენის ოთახის კარი ,

რომელიც საოცრებათა ქვეყანაში

მოგზაურობას ჰპირდება. ეს საოცარი

ქვეყანა საქართველო და მის წიაღში

აღმოცენებული ქართული

დამწერლობაა

სკოლა, ჩემი სახლია

საინტერესოდ დაიწყო პირველ კლასელთათვის 2009–10 სასწავლო წელი. 14 სექტემბერს მათთვის სახალისო ღონისძიება ჩავატარეთ სკოლის გაცნობის მიზნით. პატარებმა თავიანთი განცდები გადმოსცეს და სკოლის ეზო მოხატეს ნაირფერი ცარცებით. ძალიან ლამაზი სანახაობა იყო. შემდე მოსწავლეებმა დაათვალიერეს სკოლის ბიბლიოთეკა, სამასწავლებლო, დირექტორის კაბინეტი , ბუფეტი და პირველი გაკვეთილის დასრულების შემდეგ სიმბოლურად ააციმციმეს საკუთარი ვარსკვლავები საგანგებოდ მომზადებულ " ცის კიდობანზე".